နယုန်လပြည့်မဟာသမယအခါတော်နေ့ ကျင်းပခြင်း

လေးဆူဓါတ်ပျော်ရွှေဆံတော်စေတီတော်မြတ်ကြီး ဂေါပကအဖွဲ့၏ နှစ်စဉ်အစဉ်လာမပျက် ကျင်းပသော နယုန်လပြည့် မဟာသမယအခါတော်နေ့ အခမ်းအနားကိုစေတီတော်ရင်ပြင်ပေါ်ရှိ ကျားပျံဓမ္မာရုံတွင် ကျင်းပမြဲ ဖြစ်ပါသည်။နယုန်လပြည့် နေ့ညနေဆည်းဆာ အချိန်တွင် ဂေါပကအဖွဲ့ ဩဝါဒါစရိယဆရာတော်ကြီးများ ကြွရောက်တော်မူပြီး မဟာသမယ အခါနေ့ အကြောင်း သိကောင်းစရာများကို ဟောကြား၍ သံဃာတော် အရှင်သူမြတ်တို့က မဟာသမသုတ်တော်ကို ရွတ်ဖတ်ပူဇော်တော်မူကြသည်။ဆရာတော် သံဃာတော်များ မဟာသမယသုတ်တော် ရွတ်ဖတ်ပူဇော်ပြီးနောက် ဂေါပကအဖွဲ့ဝင်များ၊ စေတီတော်မြတ်ကြီး ဝေယျာဝစ္စ(၇)ဖွဲ့၏ အဖွဲ့ဝင်များနှင့် ပြည်မြို့ပေါ်ရှိ ဝတ်ရွတ်အသင်း(၆၀) တို့မှ ဝတ်အသင်းသူ/သားများတိုက စေတီတော်မြတ်ကြီးကို ဝန်းရံနေရာယူကြပြီး မဟာသမယသုတ်တော် ကိုတပြိုင်ထည်းညီညာဖျဖျရွတ်ဖတ်ပူဇော်ကြကာ မဟာသမယ အခါတော်နေ့ အခမ်းအနားကို စည်းကားသိုက်မြိုက်စွာ ဆက်လက်ကျင်းပမြဲဖြစ်ပါသည်။